Soy de Verdiciu, nací a la vera del Cabu Peñes xunto a la mar.
Nun hai tocinos na mio panera, pero hai gavitos do' los colgar.
Despierto al riscar el alba, doi un blincu nel xergón,
y voi a coyer les berces pa echar con fabes y con llacón.

Si una vez o dos o tres baxo a la villa al mercáu,
todos me miren de llau y dicen "neña, qué guapa yes ".

Tengo un mozacu que me cortexa, échame pizcos, faeme rabiar.
Y a veces berra como una oveya porque conmigo se quier casar.
El diz que de molineru gana todo cuanto quier
y que si no ye primero seré en xineru la so muyer.

Si una vez, o dos, o tres baxo a la villa al mercáu,
todos me miren de llau, y dicen "neña, qué guapa yes".